දේශීය පුවත්
අයිෆෝන් එකක් හදන්න ස්ටීව් ජොබ්ස් පවා පුද්ගලිකව උදවු ඉල්ලු.. නාසා එක හොල්ලන ලංකාවේ විද්යාඥයා.. ආචාර්ය සරත් ගුණපාල..
අයිෆෝන් එකක් හදන්න ස්ටීව් ජොබ්ස් පවා පුද්ගලිකව උදවු ඉල්ලු..
නාසා එක හොල්ලන ලංකාවේ විද්යාඥයා.. ආචාර්ය සරත් ගුණපාල..
“මීට අවුරුදු ගාණකට කලින්, කැලිෆෝනියාවේ එක හැන්දෑවක ස්ටීව් ජොබ්ස් අතේ තිබ්බේ ලෝකය වෙනස් කරන්න පුළුවන් හීනයක්.. හැබැයි ඒ හීනය හැබෑ කරගන්න ඔහුට එක තැනකදී හිරවෙන්න වුණා.. අන්න ඒ වෙලාවේ ඔහු උදව් ඉල්ලුවේ කාගෙන්ද දන්නවද..? ලංකාවෙන් බිහිවුණු ලෝක පූජිත විද්යාඥයෙක්ගෙන්…”
ඔබ අද අතේ තියාගෙන ඉන්න iPhone එකේ කැමරාවෙන් ගන්න ඒ සුපැහැදිලි පින්තූරය පිටුපස, අඟහරු ලෝකයට රෝවර් යානා යවපු අපේම ලාංකිකයෙක්ගේ මොළය තියෙනවා කිව්වොත් ඔබ විශ්වාස කරනවද..? ඔව්, ඒ නම තමයි ආචාර්ය සරත් ගුණපාල (Dr. Sarath Gunapala).
අද අපි කියන්න යන්නේ, තාක්ෂණික ලෝකයේ දැවැන්තයෙක් සහ ලංකාවේ අභිමානයක් එකට එකතු වුණු ඒ අප්රකට කතාව ගැන…
කතාව පටන් ගන්න කලින් අපි දැනගන්න ඕනේ කවුද මේ සරත් ගුණපාල කියන්නේ කියලා… නාසා ආයතනයේ Jet Propulsion Laboratory එකේ Senior Research Scientist කෙනෙක් විදිහට වැඩ කරන එතුමා, විශේෂයෙන්ම ප්රසිද්ධ Night Vision සෙන්සර් සහ Infrared තාක්ෂණය ලෝකයට හඳුන්වා දුන් ප්රමුඛයෙක්…
අඟහරු ලෝකයට ගිය Curiosity රෝවර් එකේ කැමරා ඇස් හැදුණේ එතුමාගේ මූලිකත්වයෙන්. සරලවම කිව්වොත්, පියවි ඇසට නොපෙනෙන දේවල් තාක්ෂණයෙන් දකින්න සැලැස්වූ මැජික්කරු එතුමායි..
2000 දශකයේ මැද භාගයේදී, ස්ටීව් ජොබ්ස් පළමු iPhone එක නිර්මාණය කරන්න ලෑස්ති වෙනකොට ඔහුට ලොකු අභියෝගයක් ආවා. ඒ කාලේ ෆෝන් වල කැමරා තිබ්බේ නමට විතරයි. පින්තූර බොඳ වුණා, අඳුරේදී මොකුත් පෙනුණේ නැහැ..
ජොබ්ස්ට ඕනේ වුණේ මීට වඩා දෙයක්. ඔහුට ඕනේ වුණා අතේ තියෙන පුංචි දුරකථනයෙන් වෘත්තීය මට්ටමේ ඡායාරූප ගන්න පුළුවන් තාක්ෂණයක්. මේ ගැන හොයද්දී ඇපල් ඉංජිනේරුවන්ට මුණගැසුණේ නාසා ආයතනයේ අභ්යවකාශ යානා වලට සෙන්සර් හදන කණ්ඩායම.
ඒ කණ්ඩායමේ නායකයා තමයි අපේ සරත් ගුණපාල මහතා..
කතාවේ හැටියට, ඇපල් සමාගම නාසා ආයතනයත් එක්ක සාකච්ඡා කළා මේ Infrared සහ Low Light තාක්ෂණය කොහොමද ස්මාර්ට්ෆෝන් එකකට ගේන්නේ කියලා. අභ්යවකාශයේ ඈත තරු නිරීක්ෂණය කරන්න පාවිච්චි කරන ඒ සෙන්සර් තාක්ෂණය (Quantum Well Infrared Photodetectors – QWIP), අද අපි රෑට ගන්න Night Mode පින්තූර වලට පදනම වුණා කිව්වොත් ඔබ පුදුම වේවි.
සරත් ගුණපාල මහතා එක් සම්මුඛ සාකච්ඡාවකදී මතක් කරලා තිබුණා, ඔවුන්ගේ පර්යේෂණ සොයාගැනීම් කොහොමද පාරිභෝගික ඉලෙක්ට්රොනික උපකරණ වල දියුණුවට වක්රව දායක වුණේ කියලා.
අද ඔබ iPhone එකකින් ගන්න Face ID එක, අඳුරේදී ගන්න පින්තූරය, මේ හැම එකකම තියෙන්නේ නාසා විද්යාඥයෙක් විදිහට සරත් ගුණපාලයන් ලෝකයට දුන්නු දායකත්වයයි.
මේ කතාවේ වටිනාම කොටස ඒක නෙවෙයි. මේ තරම් ලෝකයම දන්නා විද්යාඥයෙක් වුණත්, සරත් ගුණපාල මහතා අදටත් තමන්ගේ උපන් රටට ආදරය කරන, නිහතමානී මිනිසෙක් වීමයි. ඔහු නිතරම ලංකාවට එනවා, මෙහේ විශ්වවිද්යාල ශිෂ්යයන්ට උගන්වනවා, අපේ රටේ දරුවන්ව දිරිමත් කරනවා.
ඔහු කියන එක කතාවක් තියෙනවා
“අපි ලංකාවේ ඉපදුණා කියලා අපිට බැරි දෙයක් නැහැ. ලෝකයේ ඕනෑම තැනක, ඕනෑම දැවැන්තයෙක් එක්ක වැඩ කරන්න පුළුවන් දැනුම සහ හැකියාව අපේ රටේ මිනිස්සුන්ට තියෙනවා.”
ඔබේ iPhone එකේ තියෙන සමහර Image Sensor තාක්ෂණයන් දියුණු කරන්න NASA තාක්ෂණය මුල් වුණා.
අඟහරු ලෝකයේ රෝවර් එකක කැමරාවක් හදන එකයි, iPhone එකක කැමරාවක් හදන එකයි අතර තියෙන තාක්ෂණික පාලම හදන්න සරත් ගුණපාලමහතාගේ පර්යේෂණ උදව් වුණා.
මේ ලාංකික විද්යාඥයා අදටත් ලෝකයේ Infrared Physics පිළිබඳ ඉහළම විද්වතෙක් ලෙස සැලකෙනවා.
අපි හැමෝම iPhone එකක් ගන්න හීන දකිනවා. හැබැයි ඒ iPhone එක ඇතුලේ තියෙන තාක්ෂණය හදන්න ලංකාවේ මොළයක් දායක වුණා කියලා හිතද්දී දැනෙන ගැම්ම ඊට වඩා වැඩියි නේද..?
ඊළඟ පාර ඔබ iPhone එකකින් පින්තූරයක් ගනිද්දී, ඒකේ තිරය මත ඇඳෙන ආලෝකය පිටුපස “සරත් ගුණපාල” කියන ඒ ශ්රේෂ්ඨ ලාංකික නාමයත් තියෙන බව මතක තියාගන්න!
අපේ රටේ මෙවැනි අභිමානවත් මිනිසුන් ගැන ඔයාගේ අදහස මොකද්ද..?
